قصة ذكاء فتاة

قصة ذكاء فتاة
________________________________________
قصة حلوة وضريفة شوفو وتعلمو يا بنات
الملك سأل الشعب .. سؤال وقال اللي يجاوب عليه صح ..!! راح اعطيه فلووس كثير وكل شي يبيه .. والسؤال هو
شنو اكثر شي وشنو اكبر شي ..؟؟؟؟
راح الخادم .. على بيته وقاعد يفكر ..
جته بنته .. وقالت : شفيك ؟؟
قام قالها : الملك اليوم سأل الشعب سؤال وقال اللي يجاوب عليه .. راح يعطيه فلوس وكل اللي يبيه وانا مو عارف الإجابة..
البنت : شنو هو السؤال ..؟؟
الخادم : شنو اكثر شي وشنو اكبر شي ..؟؟
البنت : روح عند الملك وقوله اكبر شي ارضك واكثر شي مالك ..
راح الخادم عند الملك وقاله : ياملك انا لقيت اجابة لسؤالك ..
قال الملك : تفضل ..
الخادم : اكثر شي مالك وأكبر شي ارضك ..
الملك : مين قلك الإجابة ..؟؟؟
الخادم : بنتي ..
الملك : طيب روح قولها ..
لابسة ومهي لابسة..
ماشية ومهي ماشية ..
هدية ولا مو هدية ؟؟؟
الخادم راح عند بنته وقالها .. : الملك يقولك
لابسة ومهي لابسة..
ماشية ومهي ماشية ..
هدية ولا مو هدية ؟؟؟
البنت : طيب روح جيب لي شبكة .. وغنمة .. ولحمة ..
استغرب الأب الخادم من الطلبات بس راح وجابها ..
لبست البنت الشبكة وركبت الغنمة .. ومسكة اللحمة وراحت ودخلت عند الملك ..
وقالت : ياملك .. انا لابسة شبكة ومو لابسة ..
وماشية بس مو على رجولي على غنمة..
وهذي لحمة انت تعتبرها هدية ولا مو هدية..
الملك .. اعجب بذكاء البنت وقالها : تتزوجيني؟؟
اتزوجت بنت الخادم الملك .. وعاشو في سبات ونبات .. وخلفوا صبيان وبنات
المهم ..
بعد سنين كان في خادم من الخدم اعطاه الملك حصان هدية ..
وفي يوم نام الخادم ونسى انه يأكل الحصان قام هاج الحصان ..
فجاه الملك وطرد الخادم وقاله هات الحصان وروح..
راح الخادم وهو زعلااان ..المهم شافته الملكة .. وقالتله شنو فيك ؟
قالها: الملك طردني واخذ مني الحصان..
قامت قالتله: خذ صنارة واقعد اصطاد بالحديقة على العشب ولو جاك الملك وقالك شتسوي قوله اذا انت ما رزقتني يمكن ربي يرزقني..
سوا الخادم مثل ماقالتله الملكة ..
جاه الملك .. وقاله شقاعد تسوي..؟؟
الخادم : اذا انت مارزقتني يمكن ربي يرزقني..
قام الملك قاله : مين قالك تقول كذا..
الخادم : الملكة..
عصب الملك .. وطفش من ذكاء البنت ..
ورحل وقالها : شوفي يابنت الناس .. لمي اغراضك ورحي على بيت اهلك بس قبل ماتروحي .. سويلي شاي .. وخذي اغلى شي عندك
المهم .. قامت البنت سوتله شاي وحطتله فيه منوم
المهم صحى الملك .. ولقى نفسه في بيت الخادم ( ابو البنت )
قام قال : شنو اللي جابني هنا ..!!!!!
البنت : مو انت قلت لي روحي بيت اهلك وخذي اغلى شي عندك ..!! وانت اغلى شي عندي